David Durán, do Club de Bádminton das Neves, faise co título de campión de España sub-19 en dobres masculino

Do 25 ao 27 de abril celebrouse na localidade andaluza de Huelva o Campionato de España Sub-19 con participación galega, do Club Bádminton As Neves, o Club Bádminton A Estrada e o Club do Mar de San Amaro de A Coruña. Un total de de 7 foron os xogadores galegos destes tres clubs que estiveron en Huelva.
A representación galega realizou un bo papel salientando o título acadado por David Durán do CB As Neves na modalidade de dobres masculino xunto ao asturiano Alberto Vijande do CB Oviedo ambos xogadores no seu primeiro toneo xuntos realizaron un excelente campionato derrotando en ¼ de final á parella favorita Rafael Gávez/David Ramirez de Andalucia por 16-21, 21-15 e 21-17, en ½ final aos andaluces Carlos López/Nicolás Toro por 21-17 e 21-18 e na final aos vascos Digo Errandonea/Luis Tovar por 21-17/13-21 e 21-19.
Para o director técnico da Federación Galega de Bádminton, Juan Manuel Vila Mao, outros bos resultados foron os logrados por David Durán en individual masculino que acadou os ¼ de final perdendo co vasco Diego Errandonea en dous sets e David Aboal do Club do Mar xunto á asturiana Sara Bouzas que tamén lograron chegar a ¼ de final en dobres mixtos.

Estes foron os resultados das xogadores galegos:
Individual Masculino:
¼ de finla: David Durán CB As Neves
1/8 final: Alvaro Arriaza del Club do Mar.
1/16 final: Rpoi Guerra CB A Estrada e Bruno Moldes CB As Neves
Previas: Alejandro Penas CB A Estrada

Individual Feminino:
1/8 de final: Nerea Alvés do CB As Neves

Dobres Masculino:
David Durán/Alberto Vijande (As Neves/Oviedo) campións
1/8 final: David Aboal/Alvaro Arriaza (Club do Mar)
1/16 final: Roi Guerra/Alejandro Penas (CB A Estrada)

Dobres Mixtos:
¼ de final: Sara Bouzas/David Aboal (Vegadeo/Club do Mar)
1/8 de final: Nerea Alvés/Bruno Moldes (CB As Neves)

A expedición galega desprazada a Huelva estaba composta por Alvaro Arriaza e David Aboal do Club do Mar de San Amaro de A Coruña, Roi Guerra e Alejandro Penas do CB A Estrada e Nerea Alvés, Bruno Moldes e David Durán do CB As Neves xunto con eles desprazouse Rodrigo Sanjurjo, presidente da Federación Galega de Bádminton.