O alcalde de Mondariz asegura que os servizos do Centro de Dia están asegurados

O grupo de goberno do PP de Mondariz informa, tra-la nota de prensa feita pública do BNG en relación ao perigo que corre Mondariz de perder a posta en funcionamento do Centro de Dia, que convocará un pleno extraordinario para tratar este tema.
“No pleno de marzo soamente votou a favor o BNG xa que había un informe do secretario en contra da entrada no Consorcio. Coa chegada do novo secretario a Mondariz retomouse o caso e ven de realizar un informe favorable sobre a inclusión no Consorcio”, explican dende o grupo de goberno.
O acalde, Julio Alén, ven de convocar para este xoves día 8 ás 13:30 horas un pleno extraordinario no que levará como punto principal a adhesión do concello de Mondariz ao Consorcio Galego de Benestar.
O alcalde asegura que os servizos do Centro de Dia sempre estiveron asegurados para Mondariz e que as obras de construción do centro van a bo ritmo. O rexedor local prevé que para finais deste ano estean totalmente rematadas.