Ponteareas celebra o mes do Día das Letras Galegas con actos de animación á lectura en parques e prazas

Coa organización das actividades denominadas “Mes de Maio, Mes das Letras”, o Servizo de Normalización Lingüística do Concello de Ponteareas, a través da campaña “Achégate ao Libro” promoverá a lectura en galego entre os máis cativos e o público en xeral con actividades fóra das bibliotecas, nos parques, ao aire libre e, en definitiva, nun espazo de lecer que convide á lectura. Este ano, os libros abrirán as súas follas en varios escenarios e, así, o venres 9 de maio levaranse ao parque da urbanización Ponteareas Cidade, o 16 de  maio ao Parque das Pombas, o 23 á Praza Maior e o día 30 aos Xardíns da Xiralda, dende as 17.30 ás 20.30 horas.
“Achégate ao Libro” é unha campaña de dinamización do galego e de animación á lectura, que ten coma obxectivo promocionar a lingua entre o público infantil. Organizada polo Servizo de Normalización Lingúística, conta coa colaboración da Rede de Bibliotecas do Concello de Ponteareas.