O PSOE de Mondariz considera que debe modificarse o decreto relativo á norma aplicable nas construcións e o seu hábitat

Os votos a favor do PSOE e o PP de Mondariz fixeron que se aprobase a moción de instar á Consellería de Vivenda da Xunta de Galicia para que sexa consensuado o recente decreto relativo á norma aplicable nas construcións e o seu hábitat.O PSOE local recoñece a necesidade de establecer criterios mínimos de habitabilidad nas vivendas que se constrúan garantindo que a habitabilidade sexa a correcta así como que se garanta a calidade de vida dos usuarios. Considera o PSOE que se debe rematar coas construcións de infravivendas que reducen ao máximo o espazo e “condean aos seus inquilinos a vivir en condicións ridículas e insportables”.
Nembargantes, o PSOE opina que é necesario que os criterios se determinen contando con todas as administracións e, fundamentalmente, coas locais que “son as que advirten e aportan máis directamente as suxerencias e denuncias dos usuarios”.
Por todo isto o PSdeG de Mondariz solicitou ao pleno a modificación da moción do PP que solicitaba a derogación do decreto, substituíndoo pola instancia do pleno da corporación para que sexa consensuado e consultado por todas as partes involucradas.
Á petición do PSOE local sumouse o PP coa modificación e o posterior voto a favor, O BNG votou en contra desta moción.