O goberno de Ponteareas pide a Política Territorial a recepción das obras da Praza Maior e a correción das deficiencias detectadas

O Goberno municipal de Ponteareas dirixiuse á Consellería de Política Territorial da Xunta de Galicia solicitando a recepción, coa maior celeridade posible, das obras de remodelación da Praza Maior executadas polo departamento autonómico, previa corrección das deficiencias detectadas nesa obra, que teñen que ver coa instalación do alumeado e con problemas na fonte instalada, entre outros.
O Concello de Ponteareas asegura que leva advertindo dende hai meses á Dirección Xeral de Urbanismo da existencia de deficiencias nos traballos executados pola consellería na Praza Maior, e insiste na necesidade urxente do seu arranxo por parte da Xunta de Galicia, que rematou as obras hai meses, para a posterior recepción da obra ao Concello.