Adenco adianta que a praia de San Roque, en Ponteareas, non é apta para o baño

As primeiras análises da Consellería de Sanidade da Xunta de Galicia revelan que a praia fluvial de San Roque-Os Remedios, en Ponteareas, non é apta para o baño segundo explica o grupo ecoloxista Adenco.

A Asociación de Veciños ‘Lucerna’ de Fiolledo, Salvaterra, homenaxea este domingo aos seus maiores

A Asociación de Veciños “Lucerna” de Fiolledo, Salvaterra, organiza a “Homenaxe aos maiores” este domingo día 29 de maio ás 11 da mañá na casa cultural de Fiolledo. Coincidindo coa Festividade do Patrón, San Paio, trasladouse a esa data por ser o domingo inmediato.

O BNG do Condado acusa ao PP de incumprir as súas promesas electorais ao non resolver o grave perigo do Penedo da Sobra en Guláns

O BNG do Condado acusa ao PP de incumprir as súas promesas electorais xa que o 25 de maio do pasado ano, no último día de campaña das municipais do 2007, o PP e o Presidente da Deputación, Rafael Louzán anunciaban na prensa que resolverían o perigo que representa o penedo da Sobra, que ameaza algunhas casas do lugar de O Pereiro, na parroquia de Guláns e sobre a estrada que comunica con Couso pola que cada día circula o autobús escolar.

A escola de música de Mondariz celebra o fin de curso cun festival

A Escola de Música Municipal de Mondariz celebra o fin de curso cun festival este sábado 28 de xuño. As actuacións terán lugar ó longo de todo o día. Destes xeito ás 11 da mañá comezarán os alumnos de música e movemento con cancións e danzas seguidos do coro de voces brancas, que darán paso ás 12 horas aos grupos de vento madeira, vento metal e percusión.

O Centro Comarcal A Paradanta acolle un curso sobre como combater pragas e enfermidades na agricultura

O Centro Comarcal A Paradanta acolle hoxe venres 27 de xuño un cursiño gratuito titulado “Combater pragas e enfermidades na agricultura”. Este cursiño impartirase de 16:00 a 20:00 horas no centro comarcal. Para inscribirse débese chamar ao 986.66.33.29 ou por correo electrónico ccparadanta@comarcasdegalicia.com
Os organizadores avisan que é importante que os participantes aporten mostras de plantas, insectos, etc… que queren coñecer.

A Assemblea do Suído aclara as medidas de protección que existen para a Serra do Suído

A Assemblea do Suído asegura,arredor da falla de protección da Serra do Suído perante novos proxectos mineiros e aproveitamentos eólicos, que leva traballando en solitario no ámbito municipal para conseguir a inclusión da Serra do Suído na rede Natura 2000 e contra os proxectos que poñen en perigo os seus valores naturais, dende hai case dez anos.

O BNG de Mondariz presenta suxestións ao documento de Avaliación Estratéxica do PXOM

O BNG de Mondariz presentou suxestións ao documento de Avaliación Estratéxica do PXOM que está a exposición pública en internet ata o 30 de xuño. Ademais, os nacionalistas animan ás asociacións do concello a presentar as súas ideasxa que aseguran que a riqueza ambiental do concello é das máis importantes de Galiza.

O vídeo do Padroado Rías Baixas sobre o Corpus de Ponteareas está entre os máis vistos no Youtube

O vídeo sobre as Festas do Corpus Christi de Ponteareas 2008 realizado polo Padroado de Turismo Rías Baixas foi un dos vídeos máis vistos e valorados na categoría de viaxes e eventos no portal Youtube durante o pasado 30 de maio.

A ludoteca de Ponteareas celebra os eu décimo aniversario cun festival e a presenza de galegos famosos

A ludoteca municipal do Concello de Ponteareas celebra este venres, 27 de xuño, unha festa con motivo do seu décimo aniversario na que alternarán distintas actuacións a cargo dos alumnos e ex-alumnos deste centro cun desfile de roupa e a presenza de recoñecidos personaxes galegos.

O PSOE de Ponteareas preguntará no pleno sobre os avances na redacción do PXOM

O PSdeG-PSOE de Ponteareas debaterá no pleno de hoxe xoves, 26 de Xuño, dúas mocións nas que se solicitou a comparecencia do Alcalde de Ponteareas.